Komunitetit Mysliman i Shqipërisë është pajisur me lejen e ndërtimit për Xhami në Shijak.

Trualli i ish-Pallatit të Kulturës në Bashkinë Shijak ka kaluar në pronësi të KMSH ashtu sikurse ka qenë para vitit 1967-të, i cili është pjesë e sipërfaqes së shfrytëzueshme për ndërtimin e xhamisë.

Xhamia e Shijakut u dëmtua nga tërmeti i vitit 2019 dhe në vend të saj do të ndërtohet objekti i ri duke shfrytëzuar një sipërfaqe shumë më të madhe, falë dhe truallit që është përfituar nga vendimi i Këshillit Bashkiak të Shijakut.

Xhamia e re e Shijakut do të ndërtohet duke krijuar në të një kompleks multifunksional fetar që i përshtatet aktualitetit, fizionomisë arkitekturore teë qytetit, traditeës islame shqiptare dhe historisë kombëtare dhe fetare të qytetit.

MBLEDHJA E FONDEVE, PËRDORIMI I TYRE PËR KËTË QËLLIM DHE ZBATIMI ME KORREKTESË I PROJEKTIT ËSHTË NËN GANRACINË E KRYESISË SË KMSH DHE DO TË JETË TRANSPARENTE PËR CDO TË INTERESUAR!